鐵頭與我
06年4月再去詩巴丹，島上五間 resort 給拆去了，繼而係軍人嘅進駐………
- 4月 24 週一 200618:57
重臨詩巴丹 (9/4-14/4/2006)
鐵頭與我
06年4月再去詩巴丹，島上五間 resort 給拆去了，繼而係軍人嘅進駐………
- 4月 24 週一 200618:55
去 Anilao 睇細嘢 (27/12-31/12/2005)
多謝 buddy 亞力士嘅靚相 !
一年內去四次菲律賓當然有佢嘅吸引之處，今次係去呂宋島南邊嘅 Anilao。由馬尼拉坐兩個幾鐘頭車就到Anilao ，都幾方便。
Resort 係日本人經營，好乾淨，不過就簡陋啲，間房只係得兩張床同一張茶几仔＞..＜………
潛水安排除咗貴咗啲之外（加 dives 加咗 US$160）冇投訴，三個人包快艇包 DM，水底唔駛同其他人爭位影相 ^ ^ ！
DM Obet 真係好得，知道我哋鍾意影細嘢，就唔細都唔指俾我哋睇。海參蝦仔、海星蝦仔、柳珊瑚蝦仔、海牛…………多不勝數。魚嘅話都見過 barracudas，batfishes、sweetlips ，仲有紅鮪……，都唔係 100% 細嘢 。
另外，仲有水底十字架、聖母像、城堡咁，都幾搞鬼。
更多相片 : http://www.17dive.com/gallery/thumbnails.php?album=612
- 4月 24 週一 200618:52
Bohol 水上遊水底游 （23/7-27/7/2005）
諗唔到啲平平地又日數少嘅地方去，終於揀咗 Bobol 寶和島，博佢撞唔正打風落雨。
去 Bohol 最舒服，搭菲航喺馬尼拉轉機去 Tabilaran，再坐半個鐘車就到喇。
到埗後果然係大風大浪（七月係菲島嘅風季），今次嘅 resort 比較肆肆正正，有熱水同足夠嘅水壓沖涼，開發咗嘅旅遊區係唔同啲。 第一日坐車去咗Alona beach 嘅背面 Dol Jo Point，果度風平浪靜，仲有絲絲陽光添。Bohol 嘅感覺比 PG 好，冇咁多羽毛星，海扇又大啲，尾段 safety stop 又可以游上 reef 度做，唔駛咁悶。第二日嘗試去 Balicasag Island，又雨又拋，未落水已經全身濕晒。咁嘅環境，水底緊係玩 drift 喇，不過上水後 DM 話太大流，都係走喇。係有流，不過又唔算非常大丫，咁辛苦熬船黎到，一個 dive 就走好可惜。終於又係返去 Dol Jo Point，真係估都估唔到自己會中招，都唔係游得好埋啫，都比 titan triggerfish 襲擊……，痛咗兩個禮拜呀. ＞＜ 尾二一日，天氣好咗好多，dive shop manager 話可以去 Balicasag Island 啦，不過我地決定去睇朱古力山同眼鏡猴。行下行下，都係覺得水底世界好玩好多！ 更多相片 : http://www.17dive.com/gallery/thumbnails.php?album=395 BBQ 香蕉，好味！
- 4月 24 週一 200618:50
Malapascua 捕長尾鯊蹤影(26/3-30/3/2005)
2005 復活節去咗菲律賓既 Malapascua.由 Cebu 出發，3個幾鐘頭車，大半個鐘船，夜晚九點幾先抵步，總共係14個鐘頭既海、陸、空煎熬呀！
- 4月 24 週一 200615:30
眾人鄉下 Puerto Galera (26/12-30/12/2004)
等著跳海
因為價錢相宜，水底環境又有番咁上下，好多人都一去再去，所以去 PG 被譏笑為返鄉下。十一點飛機，兩個鐘機程，三個鐘車程，一個鐘船程，到埗後都仲可以玩個 night dive。
潛完開飯時收到一個壞消息---南亞發生大海嘯，奪去無數生命！
即時打返屋企報平安，母親大人千叮萬囑唔可以再落水……….但係呢度風平浪靜喎……
25度水，好凍，好彩買咗件 5mm wetsuit，件 5mm 好貼身，每次都要比其他人預早十分鐘 gear up。PG 俾我嘅感覺係遍地羽毛星，成海花鱸，間唔中走出黎嘅細鱗，魚種唔太豐富。
以咁嘅價錢去一解潛水毒癮都 OK 喎，不過要等嘢食就係好乞人憎，雖然已經有心理準備，但係由肚仔餓等到唔再餓真係冇晒符。更多相片 :
- 4月 24 週一 200615:29
Manado & Lembeh (13/8-21/8/2004)
誤打誤撞揀咗去印尼穌拉威西北面嘅 Manado & Lembeh Strait。Manado 有 crystal clear 嘅大藍水，而 Lembeh 就有精靈古奇小生物。搭夜機去新加坡 (下次搭早機玩多日星洲先得)住一晚，第二朝轉Silk Air 去 Manado，一個鐘頭車就到 resort 喇，可惜當日冇得潛。兩日半喺 Manado，潛過沉船，潛過 reef，玩過 muck dive，大嘢唔多，最大都係條一米長嘅龍躉，唯有享受下大大大藍水。一群群 butterflyfish 喺身邊穿插，真係幾過癮。
另外兩日半喺 Lembeh，淨係個 house reef 都夠睇頭，幾米水深嘅碼頭柱都有 sea fan呀、Baggai cardinalfishes 呀，又有一堆堆嘅 batfishes，可惜見唔到好靚嘅 batfish BB 。
出船就更加正，除咗第一個 dive係 DM一帶三外，其餘都係一帶二。有電眼幫手，咩花獅子呀、flamboyant cuttlefish、ambon scorpionfish、hairy frogfish、pigmy sea horse……..通通都走唔甩。有咗上次 Sipadan 慘痛嘅經驗，今次眼尾點都要貼著 buddy，就算 DM 叫我去影其他嘢，我都指手劃腳唔肯去，除非 buddy 喺我視線範圍。
平平安安，今次我冇賴低相機佬，又可以開開心心回家去了。
另外兩日半喺 Lembeh，淨係個 house reef 都夠睇頭，幾米水深嘅碼頭柱都有 sea fan呀、Baggai cardinalfishes 呀，又有一堆堆嘅 batfishes，可惜見唔到好靚嘅 batfish BB 。
出船就更加正，除咗第一個 dive係 DM一帶三外，其餘都係一帶二。有電眼幫手，咩花獅子呀、flamboyant cuttlefish、ambon scorpionfish、hairy frogfish、pigmy sea horse……..通通都走唔甩。有咗上次 Sipadan 慘痛嘅經驗，今次眼尾點都要貼著 buddy，就算 DM 叫我去影其他嘢，我都指手劃腳唔肯去，除非 buddy 喺我視線範圍。
平平安安，今次我冇賴低相機佬，又可以開開心心回家去了。
- 4月 24 週一 200611:47
嘻嘻哈哈詩巴丹 (5/4-11/4/2004)
玩得好開心
一行十一人嘻嘻哈哈飛去馬來西亞沙巴州首府---亞庇(KK) 。未上機前已經收到早一日出發嘅lulu 壞消息----成喼相機 housing 寄失咗！大家嘅心情即刻沉晒……
第二日由 KK 飛去斗湖，會合埋無精打彩嘅 lulu，十二人齊齊整整再坐車坐船入詩巴丹島。踏上 Sipadan Island，居然落起雨黎(好掃興)。第一個 dive 係 check dive，唔準拎相機落水，岸潛 Drop-off。一邊係幾米深嘅珊瑚群，另一邊已經係幾百米深嘅深海喇。人一路沉落去，一路咿咿哦哦----又話 sipadan好清水嘅?呃人呀！
第二支係 boat dive，搵笨呀！又話外潛好舒服，唔駛自己拎 gear 嘅，點解都係要自己孭上身行出沙灘上船架 ????????
潛完兩樽後見到 lulu 好開心個樣，原來佢o急 housing 送到黎啦！！好嘢，龍蝦刺身有望了！
- 4月 24 週一 200611:43
處女下海 (25/12-31/12/2003)
名副其實首次下海！未學潛水前從未諗過自己會夠膽跳海 ^o^第一次外潛地點係泰國布吉西北面嘅 Similan Island。
終於見識到咩係 school of fishes，體驗到咩係頂流，海龜、海蛇、海扇……..全部實實在在喺晒眼前。經驗淺，技術差，心情又緊張，喺海底雞手鴨腳，有啲o徒咗 Similan 嘅美景。不過過咗咁耐啲大海扇仍然喺腦入邊。上岸後去咗 Kata Beach 玩浮潛，經過幾日嘅頂流，原來大脾已經好攰好攰…….
好彩個珊瑚群落離岸唔遠，好快就 fin 到。外國嘅月亮似乎真係圓啲，點解人哋嘅珊瑚咁靚，魚又咁多 ??
終於見識到咩係 school of fishes，體驗到咩係頂流，海龜、海蛇、海扇……..全部實實在在喺晒眼前。經驗淺，技術差，心情又緊張，喺海底雞手鴨腳，有啲o徒咗 Similan 嘅美景。不過過咗咁耐啲大海扇仍然喺腦入邊。上岸後去咗 Kata Beach 玩浮潛，經過幾日嘅頂流，原來大脾已經好攰好攰…….
好彩個珊瑚群落離岸唔遠，好快就 fin 到。外國嘅月亮似乎真係圓啲，點解人哋嘅珊瑚咁靚，魚又咁多 ??
潛去菲律賓 (5)