阿當的海底世界

 本來係二人世界，而家變o左一檯麻雀，唔緊要啦，反正都係好熟o既朋友。 要俾尾數啦，即係話所有野已 confirm 啦 ！好野！可以進入出發倒數階段 lu～ 

第一次見既 bumblebee shrimp 
 呢隻都好似係第一次見
 

 打孖 赤刀
接過石頭收工就入西貢喇，嘩！人多，車多，大碼頭果邊仲有人流管制添，好彩我地o係牌坊上船啫，證明o左出海o既季節已經正正式式到啦！今次只係 book 到細船，幾迫下，地下放滿 gear，櫈就放滿貴價相機，人要罰企呀！不過唔緊要啦，全部都係自己人。第一個 dive – 橋咀，已經有兩艘潛水船比我地更早到。面水熱到吖，不過4m以下就係另一世界，要第一時間戴番頭套保暖。其間見到唔少新娘瞓覺，原來新娘件睡衣係橙色o既 (日頭係深啡色) 。                         跟住見到一串鬼網 (棄置魚網) trap 住好多蟹，救o左一隻寄居蟹，點知佢又爬返入去，再救多次，佢又爬得更入，到我冇能為力了，祝佢好運啦唯有…….
上次走寶，冇跟石頭落水睇赤刀，好野今次佢又搵到比我睇。好靚o既一條魚，聽聞話日本仔都專登過黎影喎……

放下晝呀 ! 放下晝呀 ! 咁難得梗係拉o左石頭一齊去閒人閒日啦。 (＾0＾*既然只得半日，就去龍蝦灣啜一支啦。
估唔到閒人閒日多的是，路邊比人泊晒車呀，唯有泊上少少，行多幾分鐘喇，大熱天時，full gear 行喎…………. 。原來已經有6-7個人撐住太陽傘 hea緊喇　（surface interval ）……………有 thremocline，面水好熱 (冇錯，係熱 ! 我都覺得熱 !! ) ，過o左4m 就清涼好多，冇o左層啫哩水，睇野方便好多 ～
呢次o既 target 係排骨蝦，呢種甲殼小動物真係好考眼力，最大果隻都係1cm度 (水底 size 呀) ，半白色，半透明，泊住 d 水螅度，仲要 d 水螅隨水流漂黎漂去，要碌大雙眼先睇得清。
睇完超細野，又睇下d 大少少o既，有兩隻巨型海綿偽裝蟹，同一群 parrotfish (條條都呎幾長) 。

撻了石頭的 blenny  

 一個天氣報告先會聽到o既地方，今日去o左潛。嚮西灣河出發，個半鐘度就到喇。

一年一度又開鑼了，今年冇澄澄咁做左 team leader ～ 其實我地攞嘅 data 係咪咁準確呢？話就話有 seminar 上，但係落水果個未必一定係上過 seminar 架喎 ？！

今次經魚排出打浪排，船夫緊係冇新哥咁 pro 啦，不過有新鮮飯餸食，雖然食唔飽，但都比東心淇嘅炒粉麵好食。第一支樽，遠遠同粉紅色 wetsuit 打招呼，粉紅色 wetsuit 真係好易認。
全程 keep 住喺 6-8 m 玩，都有 3m vis.。mask 狂入水，狂清鏡下嘅結果就係狂起霧，搞到乜都睇唔到，要 buddy 搵牛牛過我睇。
見到啲海葵食蟹，咁大隻蟹都食得落。第二支樽，赤洲背，大石底，一群群嘅泥鯭，幾有外潛 feel 呀 !!!

 外閃下嘅海葵蝦, 多謝石頭 ~~ 啱啱打完風，好天咗兩日，星期六又黎陰陰天同起風。食完飯行過碼頭，又見到有 butterfly ray 賣、海葵賣……

 blue fin gurnard
上個禮拜落水就局部地區大雨，今個禮拜就遇著冷鋒到。
喺碼頭已經被吹到甩頭甩髻，仲要架船遲到半個鐘…….好似係第一次夜晚落橋咀, viz 2米上下，最特別係見到 blue fin gurnard。
第二樽 viz 直線下降，11m 已經乜都睇唔到，兩隻指南針又壞晒，唯有升水fin 近岸再落 ; 8m，仍然係屎水，屎到升水途中唔見埋 buddy ！
最後係 fin 埋珊瑚區再落，3m 水深，終於都有番 2m viz, 可惜除咗蟹、蟹同蟹之外，咩都冇，悶極升水走人，加埋都玩咗 41 分鐘。

自己相機抹咗 anti-fog 未乾透，所有相都朦朦查查，攞 buddy 張相用下  

 今年水溫比往年凍一d ，都五月五咯，仲係得 23 度水。好彩都未凍得死，亦唔駛 sick leave，不過頭痛就走唔甩。未落水就大雨連場，涼風陣陣，一路熬快艇一路流著鼻水。