阿當的海底世界

Day 5

呢日上晝冇預備到節目, 我就趁果丁丁日照出後院影下相, 砌下雪人, 我d 同屋就索性攤沙發睇電視 !

上次嚮 Tromso 已玩過打邊壚, 所以今次試下部隊鍋啦 !

咪以為係腸仔泡菜拉麵, 底有年糕有韓式粉絲的 ~

 

五點就出發去 northern light hunting + king crab safari, 全團8 個人, 有6 個香港人, 其餘 2 個係台灣人 !

 

經過兩小時車程, 終於到碼頭啦 ~

d 水真係好清, 周圍咁黑, 但海底 d 海膽都清楚可見 !!

 

夜晚揸船就好似打機咁, 睇住 mon 就可以了 ~

 

40 分鐘後, 漁夫先生就去到蟹籠位置, 用起重機拉起蟹籠, 我地緊係好緊張啦, 有冇晚餐食睇佢了 ~

 

 

倒瀉籮蟹

 

只係識得嘩嘩嘩, 都冇意識去數下有幾多隻

 

漁夫先生問有冇人想拎下隻蟹喎, 我第一個彈出去啦 XDD

剛從北冰洋撈上來呢 ~

大家影完相後, 漁夫先生就郁手喇, 手起刀落, 劈劈劈, 蟹腳留低, 蟹身掉返落海(浪費呀 >.<)

見漁夫先生將 D 蟹腳掉落蒸籠, 蒸籠內原來預早放定少許蟹腳嚮度啦, 即係就算個蟹籠冇收獲, 我地都不至於冇野食既 ~

四方型的就是蒸籠

 

 

蒸蟹期間, 我地可以釣下魚, 當然係白果喇

 

十多分鐘後, 漁夫先生抽 D 海水上黎同 D 蟹腳過冷河, 跟住就拆肉

 

原來係整 open sandwich 呢

吃過簡單的晚餐就回程了, 漁夫先生話剩底的蟹腳會袋比我地攞走 ~

回程又落雨, 想睇極光都係殘念 ~

唯有將 d 精神轉落蟹腳度, 四個人拎左咁多返黎 ~

嚮船度只係食左片麵包, 邊夠飽吖 ~

所以大家為自己既宵夜努力 – 拆蟹腳 !