阿當的海底世界

呢日返返首都 – 雷克雅維克

本來都記唔到佢地 d 名架，直到有一日睇左 now tv 的一個地球，任賢齊介紹冰島，佢教觀眾用佢既唔鹹唔淡廣東話讀 – 你黑我未黑 ….，咁就入左腦喇！

一早係去 blue lagoon 浸溫泉，話係世界最大室外溫泉，可能真係太大啦，池水一邊熱，一邊暖，好在水夠深，游水都得，游熱左個身就爬上水面同朋友影相，吹凍左又跳返落去浸過 ~

不過 d 礦物質就令到我 d 頭髮變左著雜草 lu ~

呢位先生話 d 泥可以生髮喎，信不信由您喇 ~

午餐就嚮 blue lagoon 入邊解決，只此一次，試左鯨魚肉 ！

下晝出海睇鯨魚

落雨再加上大風，出海真係唔係咁好受 ~

船既下層係室內地方，分兩 part，一part有暖氣，另一part 就只有圍板，通風 d 冇咁焗 ~

船既上層係室外地方，第一層有瓦遮頭，再上一層就乜都冇，360度環迴景致。

一出防波堤，白頭浪處處，我 OK 架，我本身係冇咁易暈船既人黎既 ，不過其他人就開始陸陸續續黎料喇 ~

十五分鐘後先停一停 Puffin Island（乜會停 puffin island 既咩，我地仲 book 左第二日去睇 puffin 添，o徒左 €20 呀！），果群雀仔 ……，唔用 400 zoom 埋去都唔知就係名信片上的主角 ….

睇左五分鐘到，船繼續開，有位工作人員上黎話，如果我地繼續留嚮度，會成身濕晒架 ~

噢，即刻落番下層，不過下層好死氣沉沉 …..

終於都出到鯨魚出沒水域，橫風橫雨橫浪一個鐘，得個吉回程！

puffin 呀拿, 成巢添呀 !

落船後去影呢 d 雞肋，唔影又過唔去，但又真係冇乜特別 ....

冰島貨幣 - 海鮮宴