阿當的海底世界

Day 4 （9/8/2006）

經過六支氣o既勞碌，又比海浪撞醒後（冇錯，係撞醒！），呢朝決定唔跳海住，趕埋呢篇遊記先 ………

呢日仍然唔會出外島，留番嚮 Derawan 潛，因為我地得四個，要等埋另一 group 人到達喎 ～

呢日重點係影 jawfish，經過 dm 指過比我地睇，先發覺 Derawan 通地都係 jawfish，dm 話要睇 jawfish含蛋要等月圓後o既五至七日…….

Derawan o既Light House，大流到死，第一次出動兩隻手爬石，為o既係睇海馬仔 …….. 唔好喇掛，四個人頂住流迫埋去影…….

是日不多不少，啜o左五支氣。

因為 resort o既 management 問題，房間轉了一間又一間。

話說我地間水中屋，係一間內有三間套房同一個 common area o既獨立屋，最多可供六個人入住，我地四個人住了兩間套房，而我地亦只鎖屋o既大門，兩間房係冇上鎖o既~。

當我地第四個 dive 上水後，resort manager 走黎碼頭搵我地，話佢地嚮 Balikpapan o既職員唔記得通知 resort呢邊，有五位法國人預早 book o左呢間水中屋，希望我地可以讓出呢間 VIP 房。經過一輪擾攘，我地同意嚮我地晚飯後搬，點知嚮我地 sunset dive 之際，manager 安排o左兩個法國人住o左入黎，佢咁做法真係好過份！未經我地同意就放人入我地房，buddy 大發脾氣，剷了 manager 一大餐，manager 仲死撐：「乜我之前冇講到話會俾佢地入住先咩？」救命！講o左我地就唔會摷佢出黎鬧啦！當時唯有那那淋執晒所有嚮 common area o既野入房啦。

食完晚飯，搬o左去一間我地之前睇過o既 VIP 房，點知發覺未打掃，蟻堆處處，燈又壞，都唔明 d 印尼人點做野o既，由我地應承換房開始都幾個鐘頭啦，咁多時間都唔打掃先，最後結果梗係換過另一間啦。