阿當的海底世界

入到東平，有條海豚屍沖o左上沙灘，兩位研究人員話係中華白海豚。

快快趣 gear up，11:30 上快艇去更樓石，難得的清水，直落 12m ，有好多小海扇同柳珊瑚。雖然知道冇乜可能，不過見親海扇都會走埋去睇下有冇豆丁海馬……

lunch 後就去o左斬頸洲，呢邊 keep 住嚮 6 -7m 玩，d 頁岩一層層咁，幾特別。

潛完兩支，凍一凍，頭痛到死，結果係 hea 到晚飯 BBQ 完先再落。

呢晚好多大尾魷，不過閃得太快，完全影唔到。哈，潛完又再燒過。

平時高床軟枕，入到東平都係訓練下腰骨喇。本來諗住瞓晏 d ，唔做 morning dive，點知張木板床真係可以訓練人早起身唔懶床，出到去咁o岩保玲又嚮度，咁就第一次同保玲落水喇。

先去碼頭方向，見冇咩睇就去番潛開o既三角位。大塘灣o既石珊瑚俾 d 走私船破壞得好犀利，大大舊o既石珊瑚都被反轉o左，就連中間果群好密o既十字牡丹珊瑚都痿縮o左，群 sweeper 又唔見埋………

十點半呢個 dive 終於入番正題，拎埋較剪同網袋落去清鬼網，執垃圾。今年所見，鬼網唔多，不過垃圾量就依然達恐怖程度，計有薯片袋（簡體字）、奶粉袋（簡體字）、膠杯、膠叉、毛公仔、M巾（好核突）、電腦 mon 底座，最大量同最乞人憎就係尼龍袋！呢 d 尼龍袋嚮水底會 click 住 d 珊瑚，d 尼龍絲漂下漂下會將舊珊瑚完全包住，令到佢地又曬唔到太陽，又捉唔到野食。

 <= 石頭影架

終於我地一斑義工清ｏ左幾袋垃圾上黎，不過呢　ｄ只係冰山一角，相信幾日後又會見到新o既垃圾……………