呢晚返屋企 lu ，所以日頭就嚮市內四圍行四圍買。
起身拉開窗簾發覺落緊毛毛雨，我覺得真係好彩，前幾日周圍影相都算陽光普照，留番 last 一日 shopping 先落雨。
先搭捷運去市政府站，去誠品前先食個靚早餐先。
呢個水果三文治味道又幾夾架喎，第日可以自己整喇 ~
估唔到就嚮早餐時間接受咗電視台訪問添，問我地會唔會參與除夕晚的跨年活動，有煙花倒數，好熱鬧咁話喎，哈，我地呢班老鬼莫講話 book 咗機票要走，就算果晚仍然嚮台北市，一定會避咗 d 人潮添呀！
去到誠品，大家放生咗一個鐘，買書的買書，買 CD 的買 CD。
去誠品最重要一環，就係要試下佢個豪華廁所啦！哈哈哈！
好得意嘅水渠蓋
四個人共買了咁多
朋友話呢款豬肉紙最好食，佢地三個掃晒人地 d 貨，我懶拎，一盒都冇買。
傍晚時份怕入機場塞車，所以預多 d 時間。我覺得真係好彩架，呢個時候雨先落大咗 d ，上到巴士，拆開包 OK 紙巾，有五粒 lucky star，仲唔行運到腳指尾 ？！
去到 check-in counter，地勤話我地班機未有咁早有得 check-in 住，不過有班就起飛的仲有位，問我地搭唔搭？是但啦，唔駛等，上就上啦 ~。
行李上磅，天啊！我又塞咗 27 kg 呀！潛水咁嘅重量呀！
好彩有兩位田友都係十幾 kg 咋，冇畀人罸錢！
eee，冇時間食野播，咁咪又慳一餐晚餐！？
咁嘅環境，我地都差唔多係最遲上機喇，踏入機倉梗係畀第一排嘅乘客望住晒喇，吖吖吖，點知我地唔係右轉去經濟客位，居然係左轉播！
都話呢日有運行架啦 ~
可恨呢程機坐得個半鐘咋，海七都睇唔晒呀
潛去菲律賓 (5)
唔錯既飛機餐 [版主回覆01/05/2009 16:59:00]仲好食添 ~
嘩咁好彩有海七睇添牙！咩航呀？ 話時話我想睇相！誠品個男次我去得多，另外果個咩毛讓有 d 想知..... [版主回覆01/05/2009 17:02:00]華航. 嚮廁所影相我驚人地以為我變態 or 偷影喎 其實就係日本果d 電動馬桶之嘛
去左頭等坐? 飛機餐都正d~~ [版主回覆01/05/2009 17:00:00]商務 ~
嘩, 飛機餐咁正 [版主回覆01/05/2009 17:00:00]掃清晒呀 !
好正飛機餐......
個 水渠蓋好特別喎
我們做了"我的美麗日記平衡進口商(即水客)"! 我都運左18盒返香港!!!! [版主回覆01/07/2009 18:33:00]嘩哈哈, 冇計, 真係平好多喎 ~ 我朋友少, 我都係買左十盒啫
一盒都唔關我事... [版主回覆01/07/2009 21:08:00]朋友 + 女友, 係咁架啦