阿當的海底世界

Day 6：

起身發覺冇陽光曬入屋，心感不妙 …..，呢朝係去觀鯨，希望天氣唔好太差啦，出海特別凍架嘛 ~

 

觀鯨地點就係 Ilulissat 對開的 Disko Bay。

 

 

 

出發前好期望會影到冰山做背景的鯨魚照，潛水咁耐都好明白睇野生生物係 no guarantee 呢個道理 …..，冰島 excursion 仲好 d ，睇唔到會免費比你再上船睇多次，格陵蘭就冇呢個優惠了 ~

船駛到浮冰群盡頭後，十分鐘就發現一對座頭鯨母子！

 

佢地唔係好怕人，船一點兒一點兒的接近，船長亦准許我地上船頂影，但首要條件係不可站立，免生意外！

 

 

 

船長話，鯨魚擺尾代表佢地會潛入水裡，耐心等幾分鐘，佢地就會升水呼吸。

 

 

 

個多小時內，我地就係睇住呢對母子噴氣、擺尾、潛水 ~

佢地噴氣時係好大聲的，所以我地只需靜靜等待，幾分鐘後就會聽到噴氣聲叫我地！

 

 

 

 

 

聽到佢地叫聲呀！好大聲架！

 

通過相機 view finder 望到佢向住我地方向游埋黎，好有大白鯊 feel 呀！

 

 

 

 

兩條體長有距離，所以好少會同時甩尾 ~

 

 

 

 

 

 

船長話好難得嚮呢個水域見到海豹，因為會比人捉，佢都係第一次嚮呢樹見，話我地真好彩 !

真係有好多海豹皮賣架 >.<

 

 

迷離境界 .....

 

 

捕獵中

 

 

噴水中

 

 

嚮船頂蹲 / 坐了個多小時，又凍又餓，所以返回船倉開餐了。

我地訂呢個 whale safari 時，訂埋佢個 pack lunch（$145dkk/hk$195）。

不過呢，我唔食煙三文同蘋果，L唔飲橙汁，L & V 都唔食杏仁味朱古力，結果呢，呢個午餐組合都幾搞笑！