阿當的海底世界

尋晚大傷風，所以我冇落到 dawn dive 同頭一支船潛，留番 d體力去 Kakapan 好過。Buddies 返黎回報，唔出第一支船潛冇損失，vis 得 1m 左右。

去 Kakapan o既重頭戲係水母湖，嚮 surface interval 會上島 snorkeling 睇水母。上島時係水退時間，我地要搶灘登岸，大家都比海浪打到一扑一碌，又淤又血。石頭最傷，孭住部大相機，又冇手套，雙手同背脊都花哩碌了 ………….

登o左岸重要行多十分鐘爛路先到水母湖，見到水母果一刻真係好興奮，滑o都o都，好彩除o左 wetsuit 落水，可以同佢地黎個身體接觸。

  終於見到水母湖啦 ~~~

 

撞埋黎啦 ………..

阿媽教落有豬腩肉就游多幾游 ~

http://www.youtube.com/watch?v=GsBRn0hKlgo

石頭話 Kakapan o既水母湖比 Palau o既大，不過水母就冇咁密，但係呢度就有四款水母，Palau 得一種。

第一種，瞓晒嚮草地

第二種，數量最多，通處都係

第三種，好似有少少炸人能力，掂到佢 d 鬚鬚有少少痛

第四種，數量少又好細粒，都係 DM 搵比我地睇

同水母玩完，食過全盒 lunch 又去頂流喇，為o既係睇 barracuda，呢一群冇 Maratau 果次咁多，呢個 site 冇石頭可以抓住。唯有學 DM 抓 sea whip 啦，我已經係抓落佢變白o左果部份，估唔到 d sea whip 係生得咁實，希望佢快快復完啦。

返到碼頭做埋 last 一支o既 sunset dive，見到條大o左肚海龍同一條瓜o左o既石頭魚。