嚮香港就 book 定去 nusa penida 的 manta point 潛兩枝喇。
一早就知道嚮峇里出名睇 mola mola,d 水溫係會凍到我頂唔順的,再加上季節關係,我都唔大可能會睇得到 ~
但係我唔知道原來 nusa penida 一帶都係偏凍的,manta point 都唔例外,所以一路都好擔心呢兩潛點算?
準時0700,我地位 dm 就嚮酒店 lobby 等我地喇,先坐十零分鐘車去唔知咩沙灘, 轉快艇, 估唔到個灘都幾靚架喎,水底清澈, 有好密質質既水草。
田友四因為怕暈船,所以只有我同阿三出發,兩個人就包咗架快艇,加埋 dm 同boat boy,好抵吖 ~
大半個鐘快艇就到喇,都幾定吖 ~
船一停,即係摷番件打底背心出黎先。
一跳落水,梗係嘩嘩嘩啦, 之前幾日都係潛緊 30 度水架,而家突然 26度喎(心諗都好彩有26度)。
落到水 fin 兩步就係目的地喇,嘩人呀人呀人呀,school of 人呀, 啲 manta 就迫到留守嚮山頂, 唔願落黎,40分鐘, 閃人。
上番快艇, 原來 dm 有預備野食比我地架喎,不過我地都係選擇咗兩排我保管左六日既半溶朱古力 …
第二支, 走梗 d 人喇,好野,啲 manta 肯游落黎喇,最高紀錄係同一時間八條, 影下影下亦都愈黎愈凍喇,由 26 度影到 24, 後來仲 23 度, dm 初初講話 35 分鐘好喇,因為凍呀,結果我地玩左 45 分鐘,凍屎咗 …..佢!
潛完就即刻返酒店搵埋阿四食飯喇。
講到 shopping,女人緊係精神啦,所以洗乾淨 d gear 就出去 kuta square 殺價啦 !
行夠皮就去咗食日本菜 ~
留言列表