今年第一次入東平，小鹿都得閒黎呀！
小鹿第一次嚮香港潛水，睇怕都係第一次潛咁濁水咯，過o左5m 就睇唔到野 lu ~，唯有 keep 住嚮 3m 來來回回啦。唔好睇少果 3m 水深，有大細鱗、大蝶魚、珍珠狗、石剎群、梳蘿群，仲有泥鯭群添 ~
尋日o既大塘灣少o左好多垃圾呀，唔似得以前咁通地尼龍袋，膠袋，希望下次去都見唔到垃圾咁啦。
小鹿潛o左兩支就返去喇，我地呢 d 爛潛精就緊係繼續啦。
Sunset dive，我嚮海刺度搵到海膽蝦呀，不過 DC 仔點影喎，我唔要做箭豬！
潛潛下支電筒罷工呀，呵呵呵，可以名正言順繞實石頭啦。
石頭就開心啦~，搵到赤刀可以一個人慢慢影，冇人同佢爭呀，啍。
第二朝起身又係大塘灣，潛第四支喇，又搵到海膽蝦畀 sam 影，同 d 水母玩下閃避球，都唔悶吖。
<- 石頭影 !
第五支去o左更樓石，嚮隻靚海膽度又有海膽蝦，呢款海膽 d 刺短 d，總算影到了 ~
就係咁影到相機冇電，攬住部機左望望右望望，不得了！有一隻從未見過的海牛！！
石頭影緊 cowrie，即刻拉佢過去影牛呀 ~，自己影唔到又唔覺好失望喎，因為我知道如果我揸住相機o既話，一定搵唔到隻牛啫。
<- 石頭影 !
最搞野係我地潛完升水，一眾郊遊人士 (更樓石好多人架嘛)當我地怪物咁睇 潛完五支係時候抖抖了，不過天氣太熱，又落水玩 snorkeling 同游水了 ~ 
<- 始終都係坪洲士多 d 紅豆冰好食 
<- 可以用黎滾湯或者煲糖水喎 ~
請先 登入 以發表留言。