Day 4 食個妟早餐就要入機場飛去馬達加斯加喇, 早餐前嚮酒店散下步 ~
好野終於飛去馬達加斯加喇, 馬達先係我今次旅行既主腳 ~
坐個幾鐘就飛到馬達加斯加首都 – Antananarivo(簡稱 Tana), 逗留短過 30 日可以做免費的落地簽証.
過關非常得意, 所有 visitor 單行排隊, counter 只開一個 (內總共有6人做野), 2人負責收入境紙+對護照上的照片, 4人負責 chop 印, 最後一人負責加簽+叫名+對護照上的照片!
Visitor 要將passport 比負責收入境紙的關員, 跟住就可通過關卡, 等最尾負責加簽的關員叫名取回護照, 過程相當慢, 所以過 counter 後又企左一大堆人, 我地索性先去行李帶取行李, 才回頭拎 passport !
終於搞掂後就出禁區搵接我地的旅行社職員, 旅行社職員仲對我地咁遲先出到黎有少少微言添 !
原來呢位職員就係我地馬達加斯加咁多日既導遊 – Roy !
佢咁緊張係因為我地要即刻趕路去 Andasibe, 交通暢順的話都要2.5 hr 先得, 加上快將天黑, 天黑行山路要特別小心 …
卒之我地用左差不多四個鐘先到 !
我地住 Vakona Forest Lodge, 位處深山的雨林區, 濕度非常高, 氣溫比 Tana 低一點點, 估計有十鬆 d 度啦 !
入房後見床上擺左個暖水袋, 即刻諗起肯亞間樹頂酒店呀 !
房間同浴室都有暖爐, 當時仲覺得誇張左 ~
到瞓時先知味道 …, 濕度高到連床舖都濕濕地, 瞓上床兩個鐘都未瞓暖個人, 終於決定開暖氣吹下, 果然乾爽d 就即刻瞓得著啦 !
文章標籤
全站熱搜
潛去菲律賓 (5)