出發前見到香港某旅行社都有開辨 ” 毛里求斯 + 馬達加斯加 “ 的旅行團, 行程仲同我地D 九成相同, 23/7出發的團仲同機飛毛里求斯, 27/7 出發的也會嚮多間酒店相遇 ….. ! 不過實際上佢地開唔到團囉,因 11 日中, 一個香港人都冇撞過 ~
直航飛9.X 鐘就到毛里求斯喇, 入境好順利, 關員清完本地人的人龍後, 就主動清埋 visitor 的, 最鍾意呢 d 爽手服務 (馬達加斯加的就奇特咯, 遲下先講)
毛里裘斯入境卡上印左國鳥- 渡渡鳥, 一種比人類食到絕種的鳥類.
聯絡開的旅行社將我地過左比當地的 white sand tours.
所以機場接送都係由 white sand 負責了 ~
毛里求斯都幾大, 機場去酒店要個半鐘呢 !
抵酒店後都係上晝九點多, 仲比我地食埋早餐添 !
返房洗個臉後就安排下點玩, 今次侍住係毛里淡季, local tour 都冇報定, 煮到黎先食 !
由於 day 1 只剩下午, 就嚮酒店租車連司機去茶園 + crocodile park, 3000Rs/4人(~hkd 750/4人)
有靚位司機會停比我地影相 ~
第一天就炒車了 !
兩位司機各自拎保險 claim form 出黎填, 又用粉筆劃位, 奇在呢d 野會擺嚮車上, 拎起手就有得用 ! 雖然唔嚴重, 但都搞左半個鐘呢.
參觀完茶廠就去試飲, 當地流行雲尼拿茶, 連飛機上的 coffee & tea 都係雲尼拿茶 !
crocodile park 旨在睇巨龜, 鱷魚嚮肯亞已睇夠了 ~
第一眼望到 D 龜, "嘩" 左出黎, 估唔到有咁多隻!
好有力的腳指, 要撐 200kg 體重呢 !
只有小朋友可以騎, 大人免問
參觀左幾個公園都有養呢 d 龜龜, 以呢度環境最自然!
龜殼圓圓的是 female, 龜殼起角的是 male
潛去菲律賓 (5)