阿當的海底世界

件 semi-dry 對我呢個啤梨身形黎講，下身o岩o岩好，上身就偏闊o左 d。

舞完一大輪就跳落水，感覺到 d 水嚮上半身 “朗下朗下” ，哈！又唔覺凍喎，可能係嚮船上做足 “ 熱身運動” 關係。

先做個水浸眼眉測試，發覺唔係好夠鉛，決定加多 兩磅 ，件厚厚o既 semi-dry 再加上打漲o左o既 BC，我摸唔到自己個 BC 袋呀！

落到水底，全程同件 semi-dry 同鉛抗衡，由於上半身入水，下半身仲係好乾爽關係，由屁股到腳踭都浮起o左，上半身亦因為攬住部相機，沉上加沉，成個人就繞起雙腳打斜咁隨住 d 湧漂黎漂去 ……，亦因為鉛塊分佈唔均勻，重心也傾向左邊。好辛苦o既一個 dive，令我諗番起初學潛水時練 buoyancy o既情境。

挨o左三十分鐘爬番上船，第一時間搵人幫手除衫，因為要趕住去洗手間，6.5mm、毛巾底，入得水又少，如果有陣尿味真係唔好講笑。

第二個 dive ，手袖套得好 d，入少o左水，唔覺有水“朗黎朗去”喇；減少o左 兩磅 鉛，舒服多了，不過象腳依然浮起，浮起都有個好處o既 ~，就係唔怕踢起 d 沙囉 。

第二次除，我、石頭兩個同件野角力，扯甩唔少頭髮呀，好在貨源多咋 ~

跟住沖番個熱水涼，嘆杯薑茶，如此一個冬潛又結束了。