阿當的海底世界

出一篇 blog 要半個鐘，一日都係和記

入正題了，感覺畀人追瘦o左咁

Loloata 出名睇 Lacy Scorpionfish，佢係三種 Rhinopias （花獅子）o既其一，其餘兩款都嚮 Lembeh 睇過了，

所以由第一日潛水開始，目標就係 Lacy Scorpion Lacy Scorpion Lacy Scorpion Lacy Scorpion Lacy Scorpion Lacy Scorpion ……..

第一日，冇！

第二日，冇！

第三日（我冇相機用），冇！

第四日上晝（我繼續冇相機用），冇！

第四日下晝（我又有番相機用啦），冇！

第五日上晝，冇！

第五日下晝，石頭換o左 wide angle，呵呵呵，搵到了！搵到了！

我地每個 dive 都係跟錨繩落、跟錨繩上的，第一條就嚮錨繩附近，所有人都撲晒埋去，因為回程又會返黎呢個位，所以 DM 好快就催人走喇。

潛潛下，又所有人堆埋一齊，當然喇，第二條 lacy 喎！

回程返錨繩，當然又排隊同第一條影過喇！

返到 resort，同船的老外 - 肥叔叔問我睇唔睇到 lacy 喎？我話睇到吖，三次喎，點知佢話佢乜都睇唔到 ，叫我下次一定要指畀佢睇。

第六日，係肥叔叔最後一日下潛了，第三條 lacy 又係嚮錨繩附近被發現，所有人望o左一望，DM 又催人走了，我望一望肥叔叔，佢游o左去老遠，一定又睇唔到啦。

淨番 80bar 回程搵番條 lacy，點知……… 點知…………，花獅子係會游水架！條 lacy 唔見o左呀 ！！！！！

死啦，應承o左肥叔叔指畀佢睇，咁而家又係我睇到佢 miss 咗添。

都知條魚游得唔遠，大家分散去搵啦，DM 就咬牙切齒發晒狂咁搵，終於嚮我 50bar 氣時聽到叮叮叮，DM 姐姐嚮片鹿角珊瑚底搵番佢呀，好咯好咯！

眼尾見到肥叔叔瞄一瞄我地呢邊，佢居然唔過黎睇呀？！我唯有飛撲埋佢度，好肉緊咁手指指，佢先明白呢條就係大家搵o左幾日o既 Lacy Scorpion 喇！

排隊影完得番 3x bar，當時係 7 -8 m 水咋，可想而知同條魚磨o左幾耐呢   ~

呢幾張大部份都係石頭影