阿當的海底世界

Day 2：

0900 飛機去 Kangerlussauq，air Greenland 真係執得好嚴，手提行李仲捉得緊過 菲航 同 5J ！！

我一個相機袋 + 相機背囊當然地走唔甩；朋友的手袋 + 背囊都過唔到關！地勤小姐話呢班機好滿，上邊執得好嚴喎 ~

記得買機票時係冇得劃位，但幾個月後心血來潮 login 入 air Greenland 睇下，見到有得劃喇，當然即刻行動！

記得睇過網上資料，某一邊個景觀特別靚，但我就偏偏記唔住係左定右？

見 floor plane 右手邊多 d 人劃左，咁就一於跟啦！

哥本哈根飛去 Kangerlussauq 要四個多小時，距離降落時間仲有一個鐘，突然見到窗外再唔係厚厚雲層，而係雪山、冰川，河口，成個人醒晒！以為就降落而低飛，搞乜鬼空姐仲派飲品喎 ~

哈 ~ 邊得閒飲野啫，影相都黎唔切啦！

欣賞完一輪又高飛上雲層上面 lu ~

呢次真係差不多降落喇 ~

機程四個多小時，Kangerlussauq 又比哥本哈根慢四個小時，所以起飛係上午九點，降落仍然係上午九點多！